Amach ón gCósta

Is calafort den scoth é Europort Ros Láir ó thaobh an tionscail fuinnimh gaoithe amach ón gcósta a fhorbairt. Níl ár gcalafort ach 70 muirmhíle ón áit a bhfuil sé beartaithe feirm ghaoithe 8.6GW a fhorbairt amach i Muir na hÉireann. Tá an saineolas, an t-eolas, an talamh agus na scileanna iomchuí ar fáil in Europort Ros Láir chun an tionscadal fuinnimh gaoithe a éascú toisc go raibh Europort Ros Láir páirteach cheana féin i gcur le chéile luath feirmeacha gaoithe i Muir na hÉireann le blianta beaga anuas.

Agus beart ar leith ann chomh maith le campún slán, tá deis iontach ag custaiméirí leas a bhaint as Europort Ros Láir chun críche cóimeála, cothabhála, suiteála, seirbhísithe agus mar mhol stórála. Cuirimid limistéir stórála ar fáil, idir limistéir faoi dhíon agus limistéir faoin aer, is féidir a úsáid le haghaidh cóimeála ar an láthair. Is féidir iompar trom agus craenacha a eagrú freisin. Leis an mbóthar rochtana, an cúlsoláthar talún agus na saoráidí cé, chomh maith leis an taithí atá againn cheana féin san earnáil seo, is ardán iontach é Europort Ros Láir don tionscal seo amach anseo.

Ba bhreá linn do riachtanais ghnó a phlé leat agus réiteach saincheaptha a chur i bhfeidhm chun freastal a dhéanamh ort. Déan teagmháil lenár mBainisteoir Tráchtála chun plé a dhéanamh ar na bealaí is féidir linn cabhrú le do ghnó, anois agus amach anseo .