Téann Europort Ros Láir agus BSL i gcomhar lena chéile ar thionscadail ghaoithe amach ón gcósta

Eagraíochtaí chun saineolas a chomhthiomsú chun tacú le pleananna forbartha le chéile

Tá BSL agus Iarnród Éireann (Údarás Calafoirt d'Europort  Ros Láir) tar éis Meabhrán Tuisceana (MOU) a shíniú chun comhoibriú ar phleananna forbartha na n-eagraíochtaí faoi seach chun tacú le tionscadail ghaoithe amach ón gcósta sa Mhuir Cheilteach agus i Muir Éireann.

Agus punann feirmeacha gaoithe amach ón gcósta á forbairt ag BSL, agus pleananna á gcur chun cinn ag Europort Ros Láir chun an calafort a bhunú mar mhol foinsí in-athnuaite amach ón gcósta na hÉireann, féachann an comhthionscnamh le leas a bhaint as a réimsí saineolais agus eolais faoi seach.   Bunaíonn an Meabhrán Comhthuisceana comhsprioc chun deiseanna phleananna forbartha gach páirtí faoi seach a uasmhéadú.

Bíodh nach bhfuil sé eisiach ó thaobh nádúir de, leagtar amach sa chomhaontú rún an dá eagraíocht oibriú i gcomhar leis an aidhm réiteach calafoirt a fhorbairt atá in ann tacú le forbairtí amach ón gcósta BSL in Éirinn, ar aon dul le spriocanna gníomhaíochta aeráide na tíre agus le straitéis Neodrachta BSL faoi 2040.

In 2022, d'fhógair bainistíocht Europort Ros Láir pleananna chun an calafort, a chúlchríoch agus réigiún an oir-dheiscirt a bhunú mar Mhol Fuinnimh In-athnuaite Amach ó Chósta (ORE) na hÉireann, agus é d'acmhainn acu suas le 2,000 post a chruthú.

Tá an calafort suite go huathúil i bhfoisceacht 60-100 muirmhíle den chuid is mó de na forbairtí atá beartaithe i muir Éireann agus an mhuir Cheilteach, lena n-áirítear go leor de phunann thionscadail OWF atá á bhforbairt ag BSL laistigh d'Éirinn. 

Chun a fhís maidir le ORE a thabhairt i gcrích, tá oibreacha suntasacha beartaithe ag Europort Ros Láir, lena n-áirítear:

• Cé agus beart feistithe saintógtha ORE
• Stóráil agus réamhthógáil ar thaobh na cé ORE / suas le 50 acra ar achar
• Cainéal inseolta dreideáilte síos go dtí doimhneacht 9 go 11 méadar ar a laghad
• Lárionad Rialaithe Bainistíochta & oifigí bainistíochta agus áiseanna le haghaidh Oibríochtaí agus Cothabhála

Dúirt an tAire Stáit sa Roinn Iompair Jack Chambers, T.D.:  

“Tá Fuinneamh In-athnuaite Amach ón gCósta (ORE) ríthábhachtach chun uaillmhianta na hÉireann maidir le hAthrú Aeráide a bhaint amach agus é mar sprioc 7GW d'fhuinneamh amach ón gcósta a bhaint amach faoi 2030, a bhfuil 2GW de tiomanta do tháirgeadh hidrigine glaise

Mar a leagtar amach i ráiteas beartais a foilsíodh i mí na Nollag 2021, éascóidh cur chuige ilphoirt i leith bonneagar calafoirt a sholáthar forbairt ORE in Éirinn a chuideoidh leis na tairbhí eacnamaíocha a uasmhéadú ar an leibhéal réigiúnach agus ar an leibhéal náisiúnta i dtéarmaí poist a chruthú agus fiontar nua FBManna ar féidir leo tacú le forbairt an tionscail ORE.

Is léiriú é an comhaontú seo idir Calafort Ros Láir agus BSL ar an gcomhoibriú agus ar an tiomantas atá ag an dá eintiteas tráchtála seo chun ár n-uaillmhianta ORE a chomhlíonadh"

Dúirt Glenn Carr, Stiúrthóir ar Aonaid Tráchtála Gnó le haghaidh Iarnród Éireann, Údarás Calafoirt Europort Ros Láir 

“Tá Europort Ros Láir ar ag súil le bheith ag obair le BSL a bhfuil a fhís maidir le hacmhainneacht ORE ag teacht lenár bhfís féin.  Creidimid go bhfuil sineirgí láidre le baint amach agus muid ag obair le chéile chun an tionscal fuinnimh in-athnuaite seo a chur i gcroílár thodhchaí dhícharbónaithe na hÉireann."

Deir Paul Lennon, Ceann na Gaoithe amach ón gCósta agus na Hidrigine ag BSL: 

“Tá pleananna uaillmhianacha ag BSL maidir le forbairt tionscadal gaoithe, hidrigine agus stórála in-athnuaite amach ón gcósta in Éirinn chun tacú leis na spriocanna in-athnuaite atá leagtha amach sa Phlean Gníomhaíochta Aeráide 2023 agus i straitéis chorparáideach Neodrachta BSL faoi 2040. Tá BSL ag tnúth le bheith ag obair le hIarnród Éireann lena chinntiú go mbeidh infreastruchtúr calafoirt oiriúnach ar fáil ag Europort Ros Láir chun seachadadh rathúil na dtionscadal seo a chumasú."

Plean Infheistíochta MOL ORE Ros Láir

Beidh forbairt an Mhoil um Fhuinneamh In-athnuaite amach ón gCósta ag Europort Ros Láir ar an gcéad cheann dá leithéid i gcalafort laistigh de Phoblacht na hÉireann. Mar léiriú ar €220m d'infheistíochta, cuirfidh an tsaoráid den chéad scoth seo an t-infreastruchtúr calafoirt riachtanach ar fáil don tionscal ORE chun tacú leis an iliomad tionscadal Feirme Gaoithe atá beartaithe do Mhuir Éireann agus don Mhuir Cheilteach. Cuimseoidh an tsaoráid cé saintógtha ORE agus dhá bheart, stóráil taobh na céibh ORE agus réamhthógáil / suas le 50 acra ar achar, cainéal inseolta dreideáilte síos go doimhneacht 9 -11 méadar ar a laghad, agus Ionad Rialaithe bainistíochta & oifigí agus áiseanna bainistíochta. 

Cuimsíonn Pleananna Infheistíochta Breise ag an gcalafort forbairtí i mbonneagar calafoirt, OPE agus bóithre lena n-áirítear:

• Máistirphlean Europort Ros Láir, lena n-áirítear digitiú calafoirt: Léireoidh na hoibreacha seo a stádas mar Thairseach na hÉireann chun na hEorpa agus áireofar iontu saoráidí lastais agus paisinéirí nua, saoráidí stórála, onnmhairithe agus allmhairiúcháin, síneadh bearta. Ag teacht le claochlú fisiceach an chalafoirt, tá digitiú córas agus oibríochtaí beartaithe freisin a sholáthróidh Calafort níos fearr, níos éifeachtaí agus níos éifeachtúla 
• Tionscadal T7 Oifig na nOibreacha Poiblí, chun Post Rialaithe Teorann buan a fhorbairt laistigh den chalafort, chun na háiseanna agus na córais a sholáthar do gach gné de Rialú Teorann 
• Cinnteoidh Bóthar Rochtana Europort nua TII N25 Ros Láir eispéireas níos fearr d'úsáideoirí calafoirt agus feabhsóidh sé caighdeán na beatha dóibh siúd atá ina gcónaí agus ag obair sa cheantar trí thrucailí a bhaint as an sráidbhaile agus trí rochtain agus nascacht chuig an gcalafort a fheabhsú. 

San iomlán, infheisteofar €350 milliún san iomlán sna forbairtí seo sa chalafort agus ina cheantar máguaird.